ساعدني يادكتور..

..المروحة بايظة ..........قررت ساعتها اني اخد المسند واللوحة واطلع برة في الهوا..عشان مأصابش بحالة اختناق من رائحة الزيت والتربنتينا النفاذة.....
ورغم اني كنت مضيقة من الوضع ده ..على اساس اني مش هسمع شرح الدكتور بس كبرت وعملت فيها واحدة بتفهم ..واني مش محتاجة لنصائح فنية ..ال يعني فنانة ...
بس االضيق ده اتحول لمتعة لاني اكتشفت ان المكان اللي برسم فيه هو مكان استراتيجي لرمي الودان ...وطول مانت اعد هتسمع ياسيدي حوارات مية مية ..سواء كان من دكتور لدكتور او طلبة ...بس اللي فاكراه اني طول مانا بشتغل طول مانا بسمع حوارات مفتكسة ..مين طلع عين مين ...الدكتور الفلاني هبب ايه ..المهم مفتش كتير وسمعت صوت العيال في المحاضرة اللي جمبي .." الدكتور جيه الدكتور جيه ....يادي القرف..." ..دقايق بظبط ولقيت الدكتور الجميل مشرف بشعرو الجميل الطويل ..والجزمة الشيك ..مقرب علينا ...
وورانا المعيد ..... وخلينا نبقى واضحين من الاول ونقول ..ان التقدير والتسميات بين معيد ودكتور لا تختلف كتير في وجهة نظري الا بالضمير..وحب العمل..
وبصوت جهوري الدكتور....سلم على معيدنا المتواضع ..
- ازيك يااستاذ....
-- تمام .اهلا وسهلا ...
-شايف العيال ...اجي المحاضرة الاقي اربعة خمسة اللي موجودين ....انا زهقت ياعم من القرف ده ...بص بص بيرنه ازاي لبعض زي الصيع ...اعمل ايه دلوقتي ؟؟؟ انا بشرح ومحدش فاهم حاجة انا زهقت....انا واخد اجازة مخصوص عشان اجي الكلية ...
..............
اعذروني اني قطعت الحوار...بس لازم اوضح حاجة يمكن متعرفوهاش ...الدكتور العظيم ده .هو فنان تشكيلي معروف وبيظهر في التلفزيون اكثر من متابعتي لبرامج من البرامج الحوارية ...
...نكمل الحوار..........
-متقلقش حضرتك مهو خلاص اصلا مفيش غير محاضرة واحدة ويخلصو ...ممكن تديهم انهاردة امتحان وهما يكملو في البيت ..
- اه ..طيب معلش انا عارف ان طلبي سخيف استأذنك ممكن تيجي تشرحلهم حاجة بس وتساعدني ....هشلهالك العمر كله ..معلش انا مزنوق ومش عارف اعمل ايه !!
- مممم طيب اوك مفيش مشكله  
 ------------------ 
فن ايه ؟؟اللي انت جاي تقول عليييه ؟؟